രാജ്യത്ത് കോവിഡ് ഭീതിയൊഴിയുന്നുവെന്ന് കണക്കുകള്‍ വ്യക്തമാക്കുന്നു. ഇന്ന് 12,428 പേര്‍ക്കാണ് രോഗം സ്ഥിരീകരിച്ചത്. എട്ട് മാസത്തിനിടയിലെ ഏറ്റവും കുറഞ്ഞ കണക്കാണിത്.
24 മണിക്കൂറിനിടെ കോവിഡ് മൂലം 356 മരണങ്ങളാണ് രാജ്യത്തുണ്ടായത്. 15,951 പേര്‍ കൂടി രോഗമുക്തി നേടിയതോടെ രാജ്യത്ത് ചികിത്സയില്‍ കഴിയുന്നവരുടെ എണ്ണം 1.63 ലക്ഷമായി കുറഞ്ഞു.
നിലവില്‍ ഏറ്റവും അധികം കോവിഡ് കേസുകള്‍ റിപ്പോര്‍ട്ട് ചെയ്യുന്ന സംസ്ഥാനം കേരളമാണ്. 6,664 പേര്‍ക്കാണ് കേരളത്തില്‍ 24 മണിക്കൂറിനിടെ കോവിഡ് സ്ഥിരീകരിച്ചത്.
1,112 പേര്‍ക്ക് രോഗം പിടിപെട്ട തമിഴ്നാടാണ് പട്ടികയില്‍ രണ്ടാമത്. ഏറ്റവും അധികം കോവിഡ് കേസുകള്‍ റിപ്പോര്‍ട്ട് ചെയ്ത മഹാരാഷ്ട്രയില്‍ കഴിഞ്ഞ 24 മണിക്കൂറിനിടെ 889 പേര്‍ക്ക് മാത്രമാണ് രോഗം പിടിപെട്ടത്.
