കൊറോണ വൈറസ് ബാധയേറ്റ് തുർക്കിയിൽ മരണമടഞ്ഞവരുടെ എണ്ണം ബുധനാഴ്ചത്തേക്ക് 59 ആയി ഉയർന്നു. പുതിയതായി 561 കേസുകൾ കൂടി സ്ഥിരീകരിച്ചു. ഇതോടെ രാജ്യത്തുടനീളം കോവിഡ്-19 ബാധിച്ചവരുടെ എണ്ണം 2433 ആയതായി ആരോഗ്യ മന്ത്രി ഫഹ്രതിൻ കോക്ക അറിയിച്ചു. കഴിഞ്ഞ 24 മണിക്കൂറിനുള്ളിൽ അയ്യായിരത്തോളം കോവിഡ് ടെസ്റ്റുകൾ നടത്തിയതായും അദ്ദേഹം ട്വിറ്ററിൽ കുറിച്ചു. ഇതോടെ നടത്തിയ മൊത്തം കൊറോണ പരിശോധനകളുടെ എണ്ണം 33,000 കവിഞ്ഞു എന്നും അദ്ദേഹം കൂട്ടിച്ചേർത്തു.