യു.എ.ഇയിലെ 90 ശതമാനം വിദ്യാഭ്യാസരംഗത്തെ ജീവനക്കാരും വാക്സിന്‍ സ്വീകരിച്ചിട്ടുണ്ട്. 36 ശതമാനം വിദ്യാര്‍ഥികളും കുത്തിവെപ്പെടുത്തു. നിലവില്‍ സ്കൂളുകളില്‍ ഓണ്‍ലൈന്‍ പഠനവും നേരിട്ട് ക്ലാസിലെത്തിയുള്ള പഠനവും തുടരുന്നുണ്ട്.കോവിഡ് കുറഞ്ഞ സാഹചര്യത്തില്‍ കുട്ടികളില്‍ വലിയ ശതമാനം നേരിട്ട് ക്ലാസിലെത്തിയാണ് പഠിക്കുന്നത്.ഒക്ടോബര്‍ മൂന്നു മുതല്‍ ദുബൈയില്‍ പൂര്‍ണമായും നേരിട്ട് ക്ലാസിലെത്തുന്ന സംവിധാനത്തിലേക്ക് മാറും.
അതേസമയം ദുബൈയില്‍ സ്വകാര്യ സ്കൂള്‍ പ്രവേശനത്തിന് വാക്സിന്‍ സ്വീകരിക്കണമെന്നോ നിശ്ചിത ഇടവേളകളില്‍ പി.സി.ആര്‍ പരിശോധന നടത്തണമെന്നോ മാനദണ്ഡമല്ല. സ്കൂള്‍ തുറക്കുന്നതിന് നിയന്ത്രണങ്ങള്‍ തീരുമാനിക്കാന്‍ വിവിധ എമിറേറ്റുകള്‍ക്ക് വിദ്യാഭ്യാസ വകുപ്പ് അനുവാദം നല്‍കിയിരുന്നു. ഇതിെന്‍റ അടിസ്ഥാനത്തിലാണ് ദുബൈ പി.സി.ആര്‍ ഒഴിവാക്കിയത്.
