ഓസ്ട്രേലിയയില് പര്യടനം നടത്തുന്ന ഇന്ത്യന് ടീമിന് പരിക്കിന്റെ പ്രഹരം തുടരുന്നു. പരന്പരയിലെ നാലാം ടെസ്റ്റിനുള്ള ടീമില്നിന്നു പേസര് ജസ്പ്രീത് ബുംറ പുറത്തായി.
സിഡ്നി ടെസ്റ്റില് ഫീല്ഡിംഗിനിടെയേറ്റ പരിക്കാണു ബുംറയ്ക്കു തിരിച്ചടിയായത്. ബുംറയുടെ വയറിനാണു പരിക്കെന്നും സ്ഥിതി ഗുരുതരമാക്കാന് സാഹചര്യമൊരുക്കാതെ ബുംറയെ ബിസിസിഐ ടീമില്നിന്ന് ഒഴിവാക്കുകയായിരുന്നെന്നും റിപ്പോര്ട്ടുകള് പറയുന്നു. ഇംഗ്ലണ്ടിനെതിരായ ടെസ്റ്റ് പരന്പരയാണു ബിസിസിഐയുടെ മനസില്. പരിക്കേറ്റു പുറത്താകുന്ന അഞ്ചാം ഇന്ത്യന് താരമാണു ബുംറ. നേരത്തെ, ഓള്റൗണ്ടര് രവീന്ദ്ര ജഡേജ, മധ്യനിര ബാറ്റ്സ്മാന് ഹനുമ വിഹാരി, പേസര്മാരായ മുഹമ്മദ് ഷമി, ഇഷാന്ത് ശര്മ, ഉമേഷ് യാദവ്, കെ.എല്. രാഹുല് എന്നിവര് പരിക്കിനെ തുടര്ന്നു ടീമില്നിന്നു പുറത്തായിരുന്നു.
ബുംറ പുറത്തായതോടെ ബ്രിസ്ബേനില് മുഹമ്മദ് സിറാജാകും ഇന്ത്യന് ബൗളിംഗിനെ നയിക്കുക. നവദീപ് സൈനി, ശാര്ദുള് താക്കുര്, ടി. നടരാജന് എന്നിവര് സിറാജിനു പിന്തുണ നല്കും.