ഇന്ത്യയില്‍ കോവിഡിെന്‍റ രണ്ടാം തരംഗമുണ്ടായ സാഹചര്യത്തില്‍ ഐ.പി.എല്‍ യു.എ.ഇയിലേക്ക് മാറ്റാന്‍ നിര്‍ദേശിച്ചിരുന്നുവെന്ന് റിപ്പോര്‍ട്ട്. ഐ.പി.എല്‍ ഗവേണിങ് കൗണ്‍സിലാണ് ടൂര്‍ണമെന്‍റ് യു.എ.ഇയിലേക്ക് മാറ്റാന്‍ നിര്‍ദേശിച്ചത്. എന്നാല്‍, ഇത് ബി.സി.സി.ഐ അവഗണിക്കുകയായിരുന്നുവെന്നാണ് റിപ്പോര്‍ട്ട്.
ഐ.പി.എല്‍ നടത്തുന്നതിനോട് യു.എ.ഇയും അനുകൂല നിലപാട് സ്വീകരിച്ചുവെന്നാണ് റിപ്പോര്‍ട്ടുകള്‍. ബി.സി.സി.ഐ നിര്‍ദേശം ലഭിച്ചാലുടന്‍ ഇതിന് വേണ്ട ഒരുക്കങ്ങള്‍ തുടങ്ങാനായിരുന്നു യു.എ.ഇ തീരുമാനം. കഴിഞ്ഞ വര്‍ഷം യു.എ.ഇയിലെ മൂന്ന് വേദിങ്ങളിലായിരുന്നു ഐ.പി.എല്‍ നടത്തിയത്.
ഇംഗ്ലണ്ടിനെതിരായ ടെസ്റ്റ്, ഏകദിന, ട്വന്‍റി 20 മത്സരങ്ങള്‍ നടത്തിയ ആത്മവിശ്വാസത്തിലായിരുന്നു ബി.സി.സി.ഐയെന്നാണ് സൂചന. അതുപോലെ ഐ.പി.എല്ലും നടത്താമെന്ന് അവര്‍ കണക്കു കൂട്ടി. എന്നാല്‍, ടൂര്‍ണമെന്‍റ് തുടങ്ങി ദിവസങ്ങള്‍ക്കകം തന്നെ രാജ്യത്ത് കോവിഡ് രോഗികളുടെ എണ്ണം വന്‍തോതില്‍ ഉയരുകയും ചെയ്തു.
