ലോകത്ത് ഏറ്റവും കൂടുതൽ പേർ കാണാനായി ആഗ്രഹിക്കുന്ന സ്ഥലം ബുർജ് ഖലീഫ. ഗൂഗ്ളിൽ നിന്നും ശേഖരിച്ച ഏറ്റവും പുതിയ കണക്കുകൾ പ്രകാരം ആഡംബര യാത്രാ കമ്പനിയായ ‘കുയോനി’ തയാറാക്കിയ റാങ്കിങ്ങിലാണ് ഒന്നാം സ്ഥാനത്തെത്തിയത്.
ലോകത്തെ 66 രാജ്യങ്ങളിൽ ഏറ്റവും കൂടുതൽ സെർച്ച് ചെയ്യപ്പെട്ട സ്ഥലം ബുർജ് ഖലീഫയാണ്. ഇത് ആകെ യാത്രാലക്ഷ്യങ്ങൾ തേടി നടന്ന സെർച്ചുകളുടെ 37.5 ശതമാനമാണ്. ഇന്ത്യ, സ്വിറ്റ്സർലൻഡ്, ആഫ്രിക്കൻ രാജ്യങ്ങൾ, ഇന്തോനേഷ്യ, ഫിജി, തുർക്മെനിസ്താൻ എന്നിവിടങ്ങളിലെല്ലാം ബുർജാണ് മുന്നിട്ടുനിൽക്കുന്നത്.