ദുബായില് ബസ് സര്വീസുകളുടെ കാര്യക്ഷമത വര്ധിപ്പിക്കാന് പുതിയ പദ്ധതി. ആദ്യ പദ്ധതിയില് നഗരപ്രദേശങ്ങളിലെ ഗതാഗതം നിയന്ത്രിക്കുന്നതിനായി ആര്.ടി.എ ‘സിറ്റി ബ്രെയിന്’ സംവിധാനമാണ് അലിബാബ ക്ലൗഡുമായി ചേര്ന്ന് പരീക്ഷിക്കുക. നോല് കാര്ഡുകള്, ബസുകള്, ടാക്സികള് എന്നിവയില്നിന്നും കണ്ട്രോള് സെന്ററില്നിന്നും ലഭിക്കുന്ന വിവരങ്ങള് ഉപയോഗപ്പെടുത്തി ബസുകളുടെ ഷെഡ്യൂളും റൂട്ടുകളും മെച്ചപ്പെടുത്തും.
ഈ സംവിധാനം ബസ് യാത്ര ഗണ്യമായി മെച്ചപ്പെടുത്തും. ഇതിലൂടെ കാത്തിരിപ്പ് സമയം 10 ശതമാനം കുറയുമെന്നാണ് വിലയിരുത്തല്.അല്ഖൂസ് ബസ് ഡിപ്പോയിലെ വിദൂര ബസ് പെര്ഫോമന്സ് നിരീക്ഷണ കേന്ദ്രമാണ് രണ്ടാമത്തെ പദ്ധതി. ആര്ടിഎയുടെ പുതിയ 516 വോള്വോ ബസുകളെയാണ് കേന്ദ്രം അതത് സമയങ്ങളില് നിരീക്ഷിക്കുക.