അബുദാബിയില് ബിസിനസ് സംരംഭങ്ങള്ക്ക് ഫീസ് ഇളവ്.വാണിജ്യ കമ്ബനി സ്ഥാപിക്കുന്നതിനും ഇതുസംബന്ധിച്ച കരാറുകളുടെ രേഖകള് ശരിയാക്കുന്നതിനുമുള്ള ഫീസുകളും കുറച്ചിട്ടുണ്ട്. സാമ്ബത്തിക വാടക കരാറുകളുടെ ആധികാരികതക്കും രജിസ്ട്രേഷനും ആവശ്യമായ മുനിസിപ്പല് ഫീസ്, മുനിസിപ്പാലിറ്റി-ഗതാഗത വകുപ്പിനുള്ള സേവന ഫീസ് എന്നിവ 50 ദിര്ഹം മാത്രമാണ്.
കരാറിന്റെ മൂല്യം പരിഗണിക്കാതെയാണ് 50 ദിര്ഹം ഈടാക്കുക. അബൂദബി ചേംബറിന്റെ അംഗത്വ ഫീസ് 50 ദിര്ഹമാണ്. സേവനദാതാക്കളുടെ ഫീസും അബൂദബി മാലിന്യ സംസ്കരണ കേന്ദ്രത്തിനുള്ള മാലിന്യ നിര്മാതാക്കളുടെ താരിഫും റദ്ദാക്കും.
സാമ്ബത്തിക പ്രവര്ത്തനങ്ങള്ക്കുള്ള ലൈസന്സിന് 790 ദിര്ഹം, ലൈസന്സ് പുതുക്കുന്നതിന് 890 ദിര്ഹം, ലൈസന്സിങ് നടപടിക്രമങ്ങള്ക്ക് 10 ദിര്ഹം, ട്രേഡ് നെയിം ഇഷ്യു ചെയ്യുന്നതിന് 50 ദിര്ഹം, സാമ്ബത്തിക പ്രവര്ത്തനം ചേര്ക്കുന്നതിന് 100 ദിര്ഹം, ലൈസന്സില് വ്യാവസായിക ഉല്പന്നം ചേര്ക്കുന്നതിന് ഫീസ് 500 ദിര്ഹം എന്നിങ്ങനെയാണ് പുതിയ ഫീസ് നിരക്ക്.