റിയാദ്: സൗദിയിൽ പുതുതായി 137 പേർക്ക് കോവിഡ് സ്ഥിരീകരിച്ചു. ഇതോടെ ആകെ രോഗം ബാധിച്ചവരുടെ എണ്ണം 2932 ആയി. ബുധനാഴ്ച മരണമൊന്നും രേഖപ്പെടുത്താത്തത് കൊണ്ട് തന്നെ ആശ്വാസ ദിനമാണ്. ചൊവ്വാഴ്ച വരെ 41 മരണങ്ങളാണ് രജിസ്റ്റർ ചെയ്തത്. പുതുതായി 16 പേർ ഇന്ന് സുഖം പ്രാപിച്ചു.
രോഗമുക്തരുടെ എണ്ണം ഇതോടെ 631 ആയി. നിലവിൽ ചികിത്സയിൽ കഴിയുന്നത് 2260 പേരാണ്. അതിൽ 42 പേർ ഗുരുതരാവസ്ഥയിൽ തീവ്രപരിചരണ വിഭാഗത്തിലാണ്. ബുധനാഴ്ച പുതുതായി രേഖപ്പെടുത്തിയ കേസുകളിൽ കൂടുതലും മദീനയിലാണ്, 41. റിയാദിൽ 37, മക്കയിൽ 19, ജിദ്ദയിൽ എട്ട്, ദമ്മാമിൽ ആറ്, ഖത്വീഫിൽ അഞ്ച് എന്നിങ്ങനെയാണ് പുതുതായി രജിസ്റ്റർ ചെയ്ത കേസുകൾ.