കോവിഡ് പ്രതിസന്ധിക്ക് ശേഷം ഇതുവരെ ഖത്തറില്‍ നിന്ന് നാട്ടിലേക്ക് മടങ്ങിയത് 70,000 ഇന്ത്യക്കാരാണെന്ന് അംബാസഡര്‍ പറഞ്ഞു. വന്ദേഭാരത്, വിവിധ ചാര്‍ട്ടേര്‍ഡ് വിമാനങ്ങള്‍ വഴിയും നിലവിലുള്ള എയര്‍ബബ്ള്‍ കരാര്‍ അനുസരിച്ച്‌ സര്‍വീസ് നടത്തുന്ന വിമാനങ്ങള്‍ വഴിയും ഇന്ത്യയിലേക്ക് മടങ്ങിയവരാണിവര്‍. രാജ്യത്ത് കോവിഡ് മൂലം 200ലധികം ഇന്ത്യക്കാര്‍ മരിച്ചിട്ടുണ്ട്.
അതേസമയം കോവിഡ് പ്രതിസന്ധിയെ തുടര്‍ന്ന് അടിയന്തര ഘട്ടങ്ങളില്‍ എംബസിയുടെ സേവനം ആവശ്യമുള്ളവര്‍ക്ക് അതിനായി പ്രത്യേകം സൗകര്യം തന്നെ എംബസിയില്‍ ഏര്‍പ്പെടുത്തിയിട്ടുണ്ടെന്ന് ഇന്ത്യന്‍ അംബാസഡര്‍ ഡോ. ദീപക് മിത്തല്‍ അറിയിച്ചു . എംബസിയുടെ ഓപണ്‍ഹൗസ് നിലവില്‍ ഓണ്‍ലൈനിലാണ് സംഘടിപ്പിക്കുന്നത്.എംബസിയുടെ വെബ്സൈറ്റില്‍ അടിയന്തര ആവശ്യങ്ങള്‍ക്ക് ബന്ധപ്പെടാനുള്ള സൗകര്യം ഉണ്ട്. അടിയന്തര ആവശ്യങ്ങള്‍ക്ക് വിളിക്കാനുള്ള ഫോണ്‍ നമ്ബറിലും ഇത്തരം ഘട്ടങ്ങളില്‍ ബന്ധപ്പെടാനാകും. അല്ലെങ്കില്‍ മെയില്‍ വഴിയും അടിയന്തര സഹായങ്ങള്‍ ആവശ്യപ്പെടാം.
