കോവിഡ് വ്യാപനത്തിന്റെ പശ്ചാത്തലത്തില്‍ ബംഗ്ലാദേശില്‍ നിയന്ത്രണങ്ങള്‍ കര്‍ശനമാക്കി. ഇതേതുടര്‍ന്ന് രാജ്യത്ത് ഏഴ് ദിവസം ലോക്ക്ഡൗണ്‍ പ്രഖ്യാപിച്ചു. ഏപ്രില്‍ അഞ്ച് മുതല്‍ 12 വരെയാണ് ലോക്ക്ഡൗണ്‍.
അവശ്യ കേന്ദ്രങ്ങള്‍ ഒഴിച്ച്‌ രാജ്യം പൂര്‍ണമായി അടച്ചിടും. എന്നാല്‍ മില്ലുകളും ഫാക്ടറികളും അടച്ചിടില്ല. അവധി ദിനങ്ങളില്‍ വീടുകളിലേക്ക് തൊഴിലാളികള്‍ കൂട്ടമായി മടങ്ങുന്നത് രോഗവ്യാപനം രൂക്ഷമാക്കുമെന്ന് മനസിലാക്കിയാണ് വ്യവസായ കേന്ദ്രങ്ങളെ ലോക്ക്ഡൗണില്‍ നിന്ന് ഒഴിവാക്കിയതെന്ന് സര്‍ക്കാര്‍ അറിയിച്ചു.
