ഇനിയും കോവിഡ്​ ഭീതിയകന്നിട്ടില്ലാത്ത ലോകത്തിന്​ അതിനെക്കാള്‍ ദൂരവ്യാപക നാശമുണ്ടാക്കാന്‍ ശേഷിയുള്ള മറ്റൊരു മഹാമാരിയെ കുറിച്ച്‌​ വലിയ മുന്നറിയിപ്പുമായി ലോകാരോഗ്യ സംഘടന. ‘സാര്‍സ്​’, ‘എബോള’, ‘സിക’ തുടങ്ങി എണ്ണമറ്റ പകര്‍ച്ച വ്യാധികള്‍ നല്‍കിയ ദുരന്തങ്ങളുടെ കണക്കെടുപ്പ്​ പൂര്‍ത്തിയാകും മുമ്പേ ലോകത്തെ മുനയില്‍നിര്‍ത്തിയ കോവിഡിനെക്കാള്‍ വേഗത്തില്‍ പടരാന്‍ ആകുന്ന രോഗത്തിന്​ ‘ഡിസീസ്​ എക്​സ്​’ എന്നാണ്​ സംഘടന പേരു നല്‍കിയിരിക്കുന്നത്​.

മനുഷ്യരില്‍ എത്രത്തോളം ഈ രോഗം പടര്‍ത്തുന്ന വൈറസ്​ അപകടകാരിയാകുമെന്നതുള്‍പെടെ പഠനം ഇനിയും തുടങ്ങാനിരിക്കുന്നതേയുള്ളൂ. അതിനാശകാരിയാകാം ‘ഡിസീസ്​ എക്​സ്​’ എന്ന്​ 1976ല്‍ ആദ്യമായി എബോള വൈറസ്​ കണ്ടുപിടിച്ച പ്രഫസര്‍ ജീന്‍ ജാക്വസ്​ മുയെംബെ തംഫും മുന്നറിയിപ്പ്​ നല്‍കുന്നു.

ആഫ്രിക്കന്‍ രാജ്യമായ കോംഗോ റിപ്പബ്ലിക്കിലെ ഇന്‍ഗെന്‍ഡെയിലാണ്​ ആദ്യ രോഗിയെന്ന്​ സംശയിക്കുന്നയാളെ കണ്ടെത്തിയത്​. അണുബാധയേറ്റ രോഗിയില്‍ പനിയും രക്​തസ്രാവവുമാണ്​ കണ്ടെത്തിയത്​. അതിവേഗം പടരാന്‍ ശേഷിയുള്ള വൈറസാണിതെന്നും രോഗം കോവിഡി​നെക്കാള്‍ വേഗത്തില്‍ ലോകം കീഴടക്കുമെന്ന്​ ലോകാരോഗ്യ സംഘടന പറയുന്നു.

ജന്തുക്കളില്‍നിന്നു തന്നെയാണ്​ കോവിഡിനു സമാനമായി ഈ രോഗവും മനുഷ്യരിലെത്തുക. വനനശീകരണം, മൃഗങ്ങളുടെ ആവാസ വ്യവസ്​ഥ തകര്‍ക്കല്‍, വന്യജീവി വ്യാപാരം എന്നിവയാണ്​ സമാന രോഗങ്ങളുടെ വ്യാപനത്തിനിടയാക്കുന്നതെന്നും സംഘടന മുന്നറിയിപ്പ്​ നല്‍കുന്നു.

LEAVE A REPLY

Please enter your comment!
Please enter your name here