യുഎഇയിലെ ആദ്യത്തെ ബഹിരാകാശ ദൗത്യത്തെക്കുറിച്ചുള്ള ഡോക്യുമെന്ററി ‘റീച്ച് ഫോർ ദ സ്റ്റാർസ്’ ന്റെ രണ്ടാം എപ്പിസോഡ് ഇന്ന് മെയ് 25 ന് സംപ്രേഷണം ചെയ്യും. 22 മിനിറ്റ് ദൈർഘ്യമുള്ള വീഡിയോ എപ്പിസോഡ് നാഷണൽ ജിയോഗ്രാഫിക്, നാഷണൽ ജിയോഗ്രാഫിക് അബുദാബി എന്നീ ചാനലുകളിൽ യു.എ.ഇ സമയം 22:30 നു കാണാം. യുഎഇ ബഹിരാകാശ യാത്രികരായ ഹസ്സ അൽ മൻസൂരി, സുൽത്താൻ അൽ നയാദി എന്നിവരുടെ യാത്ര ചിത്രീകരിച്ച ഡോക്യുമെന്ററി അവരുടെ സ്വപ്നങ്ങളെയും ബഹിരാകാശ യാത്രികരാകാനുള്ള ആഗ്രഹങ്ങളെയും ഉയർത്തിക്കാട്ടുന്നു.
ഐഎസ്എസിലെ അന്താരാഷ്ട്ര ബഹിരാകാശ നിലയത്തിലെത്താനുള്ള യുഎഇയുടെ ചരിത്രപരമായ ദൗത്യം വിജയകരമായി പൂർത്തിയാക്കാൻ അവരെ പ്രാപ്തരാക്കിയ നൂറുകണക്കിന് മണിക്കൂർ മാനസികവും ശാരീരികവുമായ പരിശീലനവും ഈ സിനിമ ഉയർത്തിക്കാട്ടുന്നു. ആദ്യത്തെ എമിറാത്തി ബഹിരാകാശ ദൗത്യം ആഘോഷിക്കുന്ന നാഷണൽ ജിയോഗ്രാഫിക് ഫിലിം അന്താരാഷ്ട്ര ബഹിരാകാശ നിലയത്തിലെത്തിയ ഹസ്സ അൽ മൻസൂരിയുടെ അനുഭവം ചിത്രീകരിച്ചതിൽ ഭൂമിയിലേക്കുള്ള അദ്ദേഹത്തിന്റെ വൈകാരിക യാത്രയുടെ ഭാഗങ്ങളും ഉൾപ്പെട്ടിട്ടുണ്ട്. ലിവയിലെ ഒരു ചെറിയ മരുഭൂമി പട്ടണത്തിൽ വളർന്നുവരുന്ന ഒരു ചെറുപ്പക്കാരന്റെ സ്വപ്നങ്ങൾ യാഥാർത്ഥ്യത്തിലേക്ക് മാറിയതെങ്ങനെയെന്ന് കാണിക്കുന്ന ബ്രാൻഡ് ന്യൂ ഡോക്യുമെന്ററി, ബഹിരാകാശ യാത്രയെക്കുറിച്ചുള്ള തന്റെ ദീർഘകാല ലക്ഷ്യം നേടിയ തികഞ്ഞ ചടുലതയോടും നിശ്ചയദാർഢ്യത്തോടും കൂടിയാണ് ഇതിൽ ഹസ്സ അൽ മൻസൂരിയുടെ വ്യക്തിഗത കഥ വിവരിക്കുന്നത്.