ദുബായ് ഹെല്‍ത്ത് അതോറിറ്റിയുടെ (ഡി.എച്ച്‌.എ) ഉന്നതിക്കായി രണ്ടു പുതിയ മേധാവികള്‍ നിയമിതരായി. യു.എ.ഇ വൈസ് പ്രസിഡന്‍റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിന്‍ റാശിദ് ആല്‍ മക്തൂം എന്നിവരാണ് പുതിയ മേധാവികളെ നിയമിച്ചത് .
രാജ്യത്തെ ആരോഗ്യ രോഗപ്രതിരോധ മന്ത്രാലയം മുന്‍ അണ്ടര്‍ സെക്രട്ടറിയും മന്ത്രാലയം പ്രവര്‍ത്തനങ്ങളില്‍ ഉ‍യര്‍ന്ന സ്ഥാനങ്ങള്‍ വഹിച്ചിരുന്നതുമായ അവാദ് സാഗിര്‍ അല്‍ കെത്ബിയെ ഡയറക്ടര്‍ ജനറലായി നിയമിച്ചു.
മുഹമ്മദ് ബിന്‍ റാശിദ് മെഡിക്കല്‍ ഹെല്‍ത്ത് സയന്‍സ് യൂനിവേഴ്സിറ്റി പ്രിന്‍സിപ്പലും സ്ഥാപക ഡീനുമായ ഡോ.അലവി അല്‍ശൈഖ് അലിയാണ് ഡി.എച്ച്‌.എയുടെ പുതിയ ഡെപ്യൂട്ടി ഡയറക്ടര്‍. മസാചൂസറ്റ്സ് ഇന്‍സ്റ്റിറ്റ്യൂട്ട് ഓഫ് ടെക്നോളജിയിലെ കാര്‍ഡിയാക് ഇലക്‌ട്രോസൈക്കോളജിസ്റ്റ് കൂടിയായ ഇദ്ദേഹം മഹാമാരിക്കാലത്ത് ടെലിവിഷന്‍ വഴി സര്‍ക്കാര്‍ തീരുമാനങ്ങളും വിവരങ്ങളും പങ്കുവെച്ചിരുന്നു. കോവിഡ് മഹാമാരിക്കെതിരെ രാജ്യം നടത്തിയ പ്രതിരോധ പോരാട്ടത്തില്‍ സുപ്രധാനമായ പങ്കാണ് ദുബൈ ഹെല്‍ത്ത് അതോറിറ്റിയും അതിെന്‍റ സംവിധാനങ്ങളും വഹിച്ചത്.
