ആദ്യ രണ്ട് വിമാനങ്ങളിൽ കേരളത്തിലെത്തിയ പ്രവാസികളെ പരിശോധനകൾ പൂർത്തിയാക്കിയതിൽ, എട്ടു പേരെ രോഗലക്ഷണങ്ങളോടു കൂടി ഹോസ്പിറ്റൽ ഐസോലേഷനിലേക്ക് മാറ്റി. അബൂദബിയിൽ നിന്ന് കൊച്ചിയിലെത്തിയ അഞ്ച് പേരെയും ദുബൈയിൽ നിന്ന് കരിപ്പൂരിലെത്തിയ മൂന്നു പേരെയുമാണ് കോവിഡ് ലക്ഷണങ്ങൾ കണ്ടതിനെ തുടർന്ന് ആംബുലൻസിൽ ഹോസ്പിറ്റലിലേക്ക് മാറ്റിയത്. ക്വാറന്റൈൻ ഇളവുകൾ ഉള്ളവരൊഴികെയുള്ള മറ്റു യാത്രക്കാരെ ആരോഗ്യ പരിശോധനകൾക്കു ശേഷം മുൻകൂട്ടി നിശ്ചയിച്ച പ്രകാരം,അതാതു ജില്ലകളിലെ ക്വാറന്റൈൻ കേന്ദ്രങ്ങളിലേക്ക് മാറ്റി.
