ഒമാനില് വിദേശികളുടെ തൊഴില് പെര്മിറ്റ് ഫീസുകള് മേയ് മുതല് വര്ധിക്കും. ഫീസ് വര്ധന സംബന്ധിച്ച ഒമാന് തൊഴില്മന്ത്രി ഡോ. മഹദ് സൈദ് ബഊവി ന്റെ മന്ത്രിതല ഉത്തരവ് ഒൗദ്യോഗിക ഗസറ്റില് ഇന്നലെ പ്രസിദ്ധീകരിച്ചു. 90 ദിവസത്തിനുശേഷമാണ് നിയമം പ്രാബല്യത്തില് വരുക. കഴിഞ്ഞയാഴ്ച തൊഴില്മന്ത്രാലയം നടത്തിയ വാര്ത്താ സമ്മേളനത്തിലാണ് ലേബര് പെര്മിറ്റ് ഫീസ് വര്ധിപ്പിക്കാനുള്ള തീരുമാനം അറിയിച്ചത്.
പുതിയ പെര്മിറ്റ് അനുവദിക്കാനും പുതുക്കാനും പുതിയ ഫീസ് ബാധകമായിരിക്കും. ഗസറ്റില് പ്രസിദ്ധീകരിച്ച മന്ത്രിതല ഉത്തരവ് പ്രകാരം തൊഴില് കരാറില് നാലായിരം റിയാലും അതിനു മുകളിലും വേതനമുള്ളവര്ക്ക് 2001 റിയാല് ഫീസ് നല്കണം. 2500 മുതല് 3999 റിയാല് വരെ വേതനം വാങ്ങുന്നവര്ക്ക് 1001 റിയാലാണ് ഈടാക്കുക. ടെക്നിക്കല്, സ്പെഷലൈസ്ഡ് തസ്തികകളില് 601 റിയാലായിരിക്കും പുതുക്കിയ നിരക്ക്. പരമ്ബരാഗത മത്സ്യത്തൊഴിലാളി 361 റിയാലാണ് ഫീസ്. മുകളില് പറഞ്ഞ തസ്തികകള് അല്ലാത്തവരുടെ ഫെര്മിറ്റ് ഫീസ് 301 റിയാലില് തുടരും.