ദുബൈയിൽ ഗോൾഡൻ വിസക്കാർക്ക് ഇനി ദുബൈ പൊലീസിന്റെ ഇസാദ് പ്രിവിലേജ് കാർഡ് സൗജന്യമായി ലഭിക്കും. വിവിധ രാജ്യങ്ങളിലെ സ്ഥാപനങ്ങളിൽ ഇളവ് ഉൾപ്പെടെ ആനുകൂല്യങ്ങൾ ലഭ്യമാക്കുന്നതാണ് ഇസാദ് കാർഡ്. ദുബൈയിൽ ഗോൾഡൻ വിസയുള്ളവർക്കും അഞ്ചുവർഷത്തെ ഗ്രീൻ വിസയുള്ളവർക്കും ഈ പ്രിവിലേജ് കാർഡ് സൗജന്യമായി ലഭ്യമാക്കുമെന്ന് ദുബൈ സർക്കാർ അറിയിച്ചു.
ആരോഗ്യം, വിദ്യാഭ്യാസം, ആതിഥേയത്വം, വിനോദം, റിയൽ എസ്റ്റേറ്റ്, റസ്റ്റാറന്റ് തുടങ്ങി വിവിധ മേഖലകളിൽ പ്രത്യേക ആനുകൂല്യങ്ങൾ നൽകുന്നതാണ് ഇസാദ് പ്രിവിലേജ് കാർഡ്. ഇസാദ് കൈവശമുള്ളവർക്ക് യു.എ.ഇയിലും 92 രാജ്യങ്ങളിലുമുള്ള 7,237 ബ്രാൻഡുകളും സ്ഥാപനങ്ങളും പ്രത്യേക ഇളവുകൾ നൽകുന്നുണ്ട്.