പ്രീസീസൺ മത്സരങ്ങളുടെ ഭാഗമായി യു.എ.ഇയിലെ ഫുട്ബാൾ ക്ലബുകളുമായുള്ള മാച്ചുകൾക്ക് കേരള ബ്ലാസ്റ്റേഴ്സ് ടീം ആഗസ്റ്റ് പകുതിയോടെ യു.എ.ഇയിലെത്തും. ആഗസ്റ്റ് 20ന് ഊദ് മേത്തയിലെ സ്റ്റേഡിയത്തിൽ അൽ നാസ്സർ ഫുട്ബാൾ ക്ലബുമായിട്ടായിരിക്കും ബ്ലാസ്റ്റേഴ്സിന്റെ ആദ്യ മത്സരം. 25ന് ദിബ്ബ ഫുട്ബാൾ ക്ലബുമായും 28ന് ഹത്ത ഫുട്ബാൾ ക്ലബുമായും ബ്ലാസ്റ്റേഴ്സ് മത്സരിക്കുമെന്നറിയുന്നു. യു.എ.ഇയിലെ അഞ്ച് ഫുട്ബാൾ ക്ലബുകളുമായുള്ള മത്സരങ്ങളാണ് ബ്ലാസ്റ്റേഴ്സ് ലക്ഷ്യമിടുന്നത്. അജ്മാൻ ഫുട്ബാൾ ക്ലബുമായി മത്സരിക്കുന്നത് സംബന്ധിച്ച ചർച്ചകൾ പുരോഗമിക്കുകയാണ്. ബ്ലാസ്റ്റേഴ്സിന്റെ വരവ് ആഘോഷമാക്കാനുള്ള ഒരുക്കത്തിലാണ് യു.എ.ഇയിലെ മഞ്ഞപ്പടയുടെ ആരാധകർ