യുഎഇയില് ആസ്റ്റര് ഹോസ്പിറ്റലുകളില് സോളാര് എനര്ജി പാനലുകള് സ്ഥാപിക്കുന്നു.കരാറനുസരിച്ച് മന്ഖൂല്, ഖിസൈസ്, സെഡാര് എന്നിവിടങ്ങളിലെ ആസ്റ്റര് ആശുപത്രികളിലും ദുബൈ അല് സഫയിലെ മെഡ്കെയര് ഹോസ്പിറ്റലിലും സോളാര് എനര്ജി പാനലുകള് സ്ഥാപിക്കും. യൂറോ ഹെല്ത്ത് സിസ്റ്റംസ് വഴി നടപ്പിലാക്കുന്ന പദ്ധതിയിലൂടെ പ്രതിവര്ഷം 1774 മെട്രിക് ടണ് കാര്ബണ്ഡൈ ഓക്സൈഡ് ബഹിര്ഗമനം കുറക്കാന് സഹായിക്കും.
ആസ്റ്റര് ഡി.എം ഹെല്ത്ത് കെയറിെന്റ ഇ.എസ്.ജി (എന്വയണ്മെന്റ്, സോഷ്യല്, കോര്പറേറ്റ് ഗവേണന്സ്) നയങ്ങളുമായി യോജിക്കുന്നതാണ് ഈ പദ്ധതി. ക്ലൈമറ്റ് ആക്ഷന് അടക്കമുള്ള ഐക്യരാഷ്ട്ര സഭയുടെ സുസ്ഥിര വികസന ലക്ഷ്യങ്ങളോടുള്ള പ്രതിബദ്ധത നിറവേറ്റുന്നതിനായി വര്ഷങ്ങളായി, ജി.ആര്.ഐ, ഡൗ ജോണ്സ് എന്നീ സുസ്ഥിരതാ സൂചികളുടെ മാനദണ്ഡങ്ങള് പാലിച്ച് പ്രവര്ത്തിക്കുന്ന സ്ഥാപനമാണ് ആസ്റ്റര്.