അബുദാബിയില് ക്വാറന്റീന് ആവശ്യമില്ലാതെ പ്രവേശനം അനുവദിക്കുന്ന ഗ്രീന് രാജ്യങ്ങളുടെ പുതുക്കിയ പട്ടിക അബുദാബി മീഡിയ ഓഫീസ് പുറത്തുവിട്ടു. ഓഗസ്റ്റ് 22 ഞായറാഴ്ച യുഎഇ സമയം രാത്രി 12 മണി മുതല് പുതിയ പട്ടിക നിലവില് വരും. ഈ രാജ്യങ്ങളില് നിന്നെത്തുന്നവരെ അബുദാബിയില് നിര്ബന്ധിത ക്വാറന്റീനില് നിന്ന് ഒഴിവാക്കിയിട്ടുണ്ട്.
അല്ബേനിയ, അര്മേനിയ, ഓസ്ട്രേലിയ, ഓസ്ട്രിയ, ബഹ്റൈന്, ബെല്ജിയം, ബ്രൂണെ, ബള്ഗേറിയ, കാനഡ, ചൈന, ചെക്ക് റിപ്പബ്ലിക്, ജര്മ്മനി, ഹോളണ്ട്, ഹോങ്കോങ്, ഹംഗറി, ജോര്ദാന്, കുവൈത്ത്, മാള്ട്ട, മൗറീഷ്യസ്, മല്ഡോവ, ന്യൂസീലന്റ്, പോളണ്ട്, അയര്ലാന്ഡ്, റൊമാനിയ, സൗദി അറേബ്യ, സെര്ബിയ, സീഷ്യെല്സ്, സിംഗപ്പൂര്, സൗത്ത് കൊറിയ, സ്വീഡന്, സ്വിറ്റ്സര്ലാന്ഡ്, തായ്വാന്, ഉക്രൈന് എന്നീ രാജ്യങ്ങളാണ് നിലവില് ഗ്രീന് ലിസ്റ്റില് ഉള്പ്പെട്ടിട്ടുള്ളത്. ഗ്രീന് പട്ടികയിലുള്ള രാജ്യങ്ങളില് നിന്ന് വരുന്നവര്ക്ക് അബുദാബിയില് എത്തിയ ശേഷം നിര്ബന്ധിത ക്വാറന്റീനില് ഇളവ് ലഭിക്കും.
ഇവര് വിമാനത്താവളത്തില് വെച്ച് പി.സി.ആര് പരിശോധന നടത്തിയാല് മതിയാവും.അതേസമയം കൊവിഡ് വാക്സിന്റെ രണ്ട് ഡോസും സ്വീകരിച്ച് 28 ദിവസമെങ്കിലും പൂര്ത്തിയായവര്ക്ക് അബുദാബിക്കും, ബഹ്റൈന്, ഗ്രീസ്, സെര്ബിയ,സീഷ്യെല്സ് എന്നീ രാജ്യങ്ങള്ക്കുമിടയില് യാത്ര ചെയ്യുമ്പോള് ക്വാറന്റീന് ആവശ്യമില്ല.