കുവൈത്തിൽ കോവിഡ് പ്രതിരോധത്തിനായി കർമരംഗത്തുള്ള മുഴുവൻ പേർക്കും അഭിനന്ദനം അറിയിക്കുന്നതായി അമീർ ശൈഖ് സബാഹ് അൽ അഹ്മദ് അൽ ജാബിർ അസ്സബാഹ് പറഞ്ഞു.
ഈദുൽ ഫിത്റിന് മുന്നോടിയായി നടത്തിയ ടെലിവിഷൻ പ്രഭാഷണത്തിലാണ് അമീർ ഇക്കാര്യം വ്യക്തമാക്കിയത്. ആരോഗ്യ പ്രവർത്തകർ, പൊലീസുകാർ, സൈനികർ, അഗ്നിശമന വകുപ്പ് ജീവനക്കാർ, വിവിധ മന്ത്രാലയങ്ങളിലെ ജീവനക്കാർ, സ്വകാര്യ വ്യക്തികളും സ്ഥാപനങ്ങളും, സഹകരണ സംഘങ്ങൾ, ജീവകാരുണ്യ സംഘടനകൾ തുടങ്ങിയവരെല്ലാം ആദരവ് അർഹിക്കുന്നു.
ജീവൻ ബലിയർപ്പിച്ചവരും മറ്റു ബുദ്ധിമുട്ടുകൾ അനുഭവിച്ചവരുമായ മുന്നണിപ്പോരാളികളെ നാം എന്നും ഒാർക്കും. അവരുടെ പരിശ്രമങ്ങൾ പാഴാവില്ല. ഇൗ പ്രതിസന്ധിയെ നാം അതിജയിക്കും. പെരുന്നാളിെൻറ ഇൗ സന്തോഷസമയത്ത് സ്വദേശികളും വിദേശികളും ഉൾപ്പെടെ മുഴുവൻ രാജ്യനിവാസികൾക്കും ആശംസ അറിയിക്കുന്നു.
പുതിയ കാലത്തെ വെല്ലുവിളികൾ നേരിടാൻ പുതിയ സമീപനവും കഠിനാധ്വാനവും വേണ്ടിവരും. എല്ലാറ്റിനുമപ്പുറം ദേശീയ താൽപര്യം ഉയർത്തിപ്പിടിച്ചും ഉത്തരവാദിത്തങ്ങൾ ഏറ്റെടുത്തും കൂട്ടായ പരിശ്രമവും ഉണ്ടായാലേ നിലവിലെ പ്രയാസകരമായ ഘട്ടത്തെ അതിജയിക്കാൻ കഴിയൂവെന്നും അമീർ പറഞ്ഞു.
