കുവൈത്ത് ദേശീയ ദിനാഘോഷ ഭാഗമായ വിവിധ പരിപാടികള് ഇൗ ആഴ്ച തുടക്കമാവും. രക്തസാക്ഷി അനുസ്മരണങ്ങളും സാംസ്കാരിക പരിപാടികളും മറ്റുമാണ് ആദ്യഘട്ടത്തില് നടക്കുന്നത്. കോവിഡ് പ്രതിസന്ധിയുടെ പശ്ചാത്തലത്തില് ഇത്തവണ ആഘോഷ പരിപാടികള്ക്ക് പരിമിതിയുണ്ട്. പ്രത്യക്ഷത്തിലുള്ള വിപുലമായ പരിപാടികള്ക്ക് ഇത്തവണയും നിയന്ത്രണങ്ങളുണ്ടാകും.
കഴിഞ്ഞവര്ഷം ആഘോഷ പരിപാടികള്ക്ക് എല്ലാ ഒരുക്കവും നടത്തിയിരിക്കെയാണ് കോവിഡ് പ്രതിസന്ധി ആരംഭിക്കുന്നത്. തുടര്ന്ന് ആഘോഷം റദ്ദാക്കി. ഫെബ്രുവരി 25, 26 തീയതികളിലാണ് കുവൈത്ത് ദേശീയ, വിമോചന ദിനാഘോഷം. 1961 ജൂണ് 19നാണ് കുവൈത്ത് ബ്രിട്ടനില്നിന്ന് സ്വാതന്ത്ര്യം നേടിയത്. മൂന്നുവര്ഷം ജൂണ് 19നായിരുന്നു കുവൈത്ത് സ്വാതന്ത്ര്യ ദിനം ആഘോഷിച്ചിരുന്നത്. എന്നാല്, 1964ല് ആഘോഷം ഫെബ്രുവരി 25ലേക്ക് മാറ്റുകയായിരുന്നു. രാജ്യത്തിന് സ്വാതന്ത്ര്യത്തിലേക്ക് വഴികാണിച്ച, ആധുനിക കുവൈത്തിെന്റ ശില്പി എന്നറിയപ്പെടുന്ന, രാജ്യത്തിെന്റ 11ാമത് ഭരണാധികാരി അമീര് ശൈഖ് അബ്ദുല്ല അല്സാലിം അസ്സബാഹിെന്റ സ്ഥാനാരോഹണം നടന്ന 1950 ഫെബ്രുവരി 25െന്റ സ്മരണയില് ആ ദിവസം ദേശീയ ദിനാഘോഷമായി നിശ്ചയിക്കുകയായിരുന്നു. പിന്നീട് അതിന് തൊട്ടടുത്ത ദിവസം തന്നെ ഇറാഖി അധിനിവേശത്തില്നിന്ന് മുക്തി നേടിയ വിമോചന ദിനവും എത്തിയതോടെ ഫെബ്രുവരി 25, 26 തീയതികള് ദേശീയ ആഘോഷ ദിനങ്ങളായി മാറി.
ആഘോഷ പരിപാടികള്ക്കായി വിവിധ മന്ത്രാലയങ്ങളുടെയും വകുപ്പുകളുടെയും നേതൃത്വത്തില് ഒരുക്കം നടത്തുന്നുണ്ട്. ഒാണ്ലൈനായി സംഗീത പരിപാടികളും മറ്റും ഉണ്ടാകുമെന്നാണ് വിവരം.