ഉപഭോക്താക്കൾക്ക് കൈനിറയെ സമ്മാനങ്ങളുമായി മാൾ മില്യനെയർ ഷോപ്പിങ് ഫെസ്റ്റിന് അബൂദബിയിൽ തുടക്കമായി. അബൂദബി ആസ്ഥാനമായുള്ള ലൈൻ ഇൻവെസ്റ്റ്‌മെന്‍റ്സ് ആൻഡ് പ്രോപർട്ടിയുടെ കീഴിലെ മാളുകളിലാണ് ഫെസ്റ്റ് ഒരുക്കിയത്.

മാളുകളിൽ പ്രവർത്തിക്കുന്ന സ്ഥാപനങ്ങളിൽനിന്നും 200 ദിർഹത്തിലധികം വിലയുടെ സാധനങ്ങൾ വാങ്ങുന്നവരിൽനിന്നും തിരഞ്ഞെടുക്കുന്ന വിജയിക്ക് ഒന്നാം സമ്മാനമായി 10 ലക്ഷം ദിർഹം ലഭിക്കും. ഏപ്രിൽ 23 മുതൽ ആഗസ്റ്റ് ആറുവരെയാണ് കാമ്പയിൻ. അൽ വഹ്ദ മാൾ, ഖാലിദിയ മാൾ, അൽറാഹ മാൾ, മുഷിരിഫ് മാൾ, മാസ്യാദ് മാൾ, മദീനത്ത് സായിദ് ഷോപ്പിങ് സെന്‍റർ, ഫോർസാൻ സെൻട്രൽ മാൾ (അബൂദബി), ബരാരി ഔട്ട്‌ലെറ്റ് മാൾ, അൽ ഫോഹ് മാൾ(അൽഐൻ) എന്നീ ഒമ്പത് മാളുകളാണ് കാമ്പയിന്‍റെ ഭാഗമാകുക. ലുലു ഗ്രൂപ് ഇന്‍റർനാഷനൽ ഗ്രൂപ്പിന്‍റെ ഷോപ്പിങ് മാൾ ഡെവലപ്‌മെന്‍റ് ആൻഡ് മാനേജ്‌മെന്റ് ഡിവിഷനാണ് ലൈൻ ഇൻവെസ്റ്റ്‌മെന്‍റ്സ് ആൻഡ് പ്രോപ്പർട്ടി.

LEAVE A REPLY

Please enter your comment!
Please enter your name here