ഗാസിയാബാദ്: ലോക്ക്ഡൗണ് നിര്ദേശങ്ങള് മുഖവിലയ്ക്കെടുക്കാതെ പുറത്തിറങ്ങുന്നവരുടെ മുട്ടിനു താഴെ വെടിവയ്ക്കുന്ന പോലീസുകാര്ക്ക് 5100 രൂപ പ്രതിഫലമായി താന് നല്കുമെന്ന് ബിജെപി എംഎല്എ. ഗാസിയാബാദ് ബിജെപി എംഎല്എ നന്ദ്കിഷോര് ഗുര്ജറാണ് ഇങ്ങനെ പറഞ്ഞത്.
പറഞ്ഞത് കേട്ടില്ലെങ്കില് മുട്ടുകാലില് തന്നെ വെടിവയ്ക്കണം. സര്ക്കാര് നിര്ദ്ദേശങ്ങള് അനുസരിക്കാത്തവരെ തീവ്രവാദികളായി കാണണം. അവര് രാജ്യദ്രോഹികളാണ്. ഇങ്ങനെയുള്ളവരെ വെടിവയ്ക്കുന്ന പോലീസുകാര്ക്ക് എന്റെ കൈയില്നിന്ന് 5100 രൂപ പ്രതിഫലം നല്കും- എംഎല്എയുടെ ഈ വാക്കുകള് അടങ്ങിയ വീഡിയോ ഇപ്പോള് സമൂഹമാധ്യമങ്ങളില് വൈറലാണ്.
മാര്ക്കറ്റുകളിലും മറ്റും ഒരുപാട് ആളുകള് കൂട്ടംകൂടുന്നതായി പരാതികള് ലഭിച്ചിട്ടുണ്ട്. അവര്ക്കെതിരേ കര്ശന നടപടിയെടുക്കുമെന്നും ഗുര്ജര് പറഞ്ഞു. നേരത്തെ, ഗോമൂത്രം കുടിച്ചാല് കൊറോണ വൈറസ് മരിച്ചുപോകുമെന്ന വിവാദ പ്രസ്താവന നടത്തി ഗുര്ജര് വാര്ത്തകളില് ഇടംപിടിച്ചിരുന്നു