സംസ്ഥാനത്ത് കോവിഡ് അനിയത്രിതമായതിനെ തുടര്ന്ന് നടപ്പാക്കിയ ലോക്ഡൗണില് കൂടുതല് ഇളവുകളുമായി മഹാരാഷ്ട്ര സര്ക്കാര് . പുതിയ ചട്ടങ്ങള് അനുസരിച്ച് മുംബൈയില് റസ്റ്റോറന്റുകള്, ജിമ്മുകള്, സലൂണുകള് എന്നിവ നിശ്ചിത സമയം തുറക്കാന് സര്ക്കാര് അനുമതി നല്കി.
കോവിഡ് പോസിറ്റിവിറ്റി നിരക്ക് ഗണ്യമായി കുറയുകയും 93 ശതമാനം രോഗമുക്തരാവുകയും സാഹചര്യത്തിലാണ് നടപടി. സംസ്ഥാനത്തെ ജില്ലകളെ അഞ്ച് തലങ്ങളായി തരം തിരിച്ചാണ് ഇളവ് അനുവദിച്ചിരിക്കുന്നത്. കോവിഡ് പോസിറ്റിവിറ്റി നിരക്കും നിശ്ചിത അളവിലുള്ള ചികിത്സാസൗകര്യവും പരിഗണിച്ചാണ് ഓരോ ജില്ലകളിലും നിയന്ത്രണങ്ങളില് ഇളവ് വരുത്തിയിരിക്കുന്നത്.
ലെവല് 1 ലുള്ള ജില്ലകളില് മാളുകള്, തിയേറ്ററുകള്, ജിമ്മുകള്, സലൂണുകള്, റസ്റ്റോറന്റുകള് എന്നിവ തുറക്കാന് അനുമതി നല്കി . അതെ സമയം ലെവല് 2 ല് പെട്ട ജില്ലകളില് 50 ശതമാനം ജീവനക്കാരെ ഉള്പ്പെടുത്തി സ്ഥാപനങ്ങള് തുറക്കാന് അനുമതി നല്കിയിട്ടുണ്ട്.
എന്നാല് ലെവല് മൂന്നിലുള്ള ജില്ലകളില് ഷോപ്പുകള്, റസ്റ്റോറന്റുകള്, ജിമ്മുകള്, സലൂണുകള് എന്നിവ വൈകുന്നേരം 4 മണി വരെ തുറക്കാം.ലെവല് 4 ലും 5 ലുമുള്ള ജില്ലകളില് നിലവില് ഏര്പ്പെടുത്തിയ നിയന്ത്രണങ്ങളും അതെ പോലെ തന്നെ തുടരുന്നതാണ്.