മസ്കത്ത്: ഒമാനിൽ 38 പേർക്ക് കൂടി കോവിഡ് 19 സ്ഥിരീകരിച്ചു. ഇതോടെ രാജ്യത്ത് മൊത്തം രോഗം സ്ഥിരീകരിച്ചവരുടെ എണ്ണം 457 ആയി ഉയർന്നു. രോഗ വിമുക്തി നേടിയവരുടെ എണ്ണമാകട്ടെ 109 ആയി ഉയരുകയും ചെയ്തതായി ആരോഗ്യ മന്ത്രാലയം അറിയിച്ചു. രണ്ട് പേർ മരണപ്പെടുകയും ചെയ്തു. 346 പേരാണ് അസുഖ ബാധിതരായി ചികിത്സയിലുള്ളത്.
മസ്കത്തിൽ രോഗം സ്ഥിരീകരിച്ചവരുടെ എണ്ണം 369 ആയി. ഇതിൽ രണ്ട് പേർ മരണപ്പെടുകയും 69 പേർ സുഖപ്പെടുകയും ചെയ്തു. ദാഖിലിയ മേഖലയിൽ രോഗികളുടെ എണ്ണം 28 ആയി ഉയർന്നിട്ടുണ്ട്. ഇവിടെ 15 പേർക്ക് അസുഖം ഭേദമായി.