പത്ത് രാജ്യങ്ങളില് നിന്നുമുള്ള യാത്രക്കാര് ഒമാനിലേക്ക് പ്രവേശിക്കുന്നത് ഇനിയൊരു അറിയിപ്പ് ഉണ്ടാകുന്നതു വരെ നിരോധിച്ചു കൊണ്ട് ഉത്തരവ് പുറപ്പെടുവിച്ച് ഒമാന് സുപ്രീം കമ്മിറ്റി. കോവിഡ് പ്രതിരോധ പ്രവര്ത്തനങ്ങളുടെ ഭാഗമായി പത്ത് രാജ്യങ്ങളില് നിന്നുമുള്ള യാത്രക്കാര്ക്ക് കഴിഞ്ഞ ഫെബ്രുവരി 25 മുതല് 15 ദിവസത്തേക്ക് താത്കാലിക പ്രവേശന നിരോധനം ഒമാന് സുപ്രീം കമ്മറ്റി ഏര്പ്പെടുത്തിയിരുന്നു. ഈ താത്കാലിക നിരോധനമാണ് ഇനിയൊരു അറിയിപ്പ് ഉണ്ടാകുന്നതുവരെ ഒമാന് ഭരണകൂടം നീട്ടിയത്.
ലെബനന്, എത്യോപ്യ, ഘാന, നൈജീരിയ, ദക്ഷിണാഫ്രിക്ക, ടാന്സാനിയ, സിയറ ലിയോണ്, ബ്രസീല്, സുഡാന്, ഗ്വിനിയ എന്നി രാജ്യങ്ങളില് നിന്നുമുള്ള യാത്രക്കാര്ക്കാണ് വിലക്ക്. ഈ 10 രാജ്യങ്ങളിലൂടെ യാത്ര ചെയ്തുവരുന്ന മറ്റ് രാജ്യങ്ങളിലെ പൗരന്മാര്ക്കും വിലക്കേര്പ്പെടുത്തിയിട്ടുണ്ട് .അതെ സമയം ഒമാന് സ്വദേശികള്, ആരോഗ്യ പ്രവര്ത്തകര്, നയതന്ത്രജ്ഞര് എന്നിവരെയും അവരുടെ കുടുംബങ്ങളെയും വിലക്കില് നിന്ന് ഒഴിവാക്കിയിട്ടുണ്ട്.