ഒമാന്‍ സമ്പദ്ഘടനയിലെ വിവിധ മേഖലകളില്‍ നിക്ഷേപം പ്രോത്സാഹിപ്പിക്കാന്‍ ലക്ഷ്യമിട്ട് നടത്തിവരുന്ന പദ്ധതികളുടെ ഭാഗമായി അൻപത് വ്യവസായ പദ്ധതികള്‍ക്ക് രൂപം നല്‍കും. മൊത്തം 200 ദശലക്ഷം റിയാല്‍ മൂല്ല്യമുള്ളതായിരിക്കും ഈ പദ്ധതികള്‍. പെട്രോളിയം ഡെവലപ്മെന്‍റ് ഒമാന്‍ (പി.ഡി.ഒ), പബ്ലിക് എസ്റ്റാബ്ലിഷ്മെന്‍റ് ഫോര്‍ ഇന്‍ഡസ്ട്രിയല്‍ എസ്റ്റേറ്റ്സ് (മദായെന്‍) തുടങ്ങിയവയുടെ കൂടി പങ്കാളിത്തത്തോടെയാകും ഇവ വികസിപ്പിക്കുകയെന്നും വാണിജ്യ, വ്യവസായ, നിക്ഷേപക പ്രോത്സാഹന വകുപ്പ് മന്ത്രി ഖൈസ് മുഹമ്മദ് അല്‍ യൂസുഫ് വാര്‍ത്താസമ്മേളനത്തില്‍ പറഞ്ഞു.
മന്ത്രാലയത്തിെന്‍റ നേതൃത്വത്തില്‍ നടപ്പിലാക്കാന്‍ ലക്ഷ്യമിടുന്ന കര്‍മപദ്ധതികളെ കുറിച്ച്‌ വിശദീകരിക്കുന്നതിനായാണ് വാര്‍ത്താസമ്മേളനം നടത്തിയത്. ഒമാന്‍ വിഷന്‍ 2040െന്‍റ ഭാഗമായി നടപ്പിലാക്കുദ്ദേശിക്കുന്ന പദ്ധതികള്‍ സാമ്ബത്തിക വൈവിധ്യവത്കരണത്തിന് പുറമെ വളര്‍ച്ചയും തൊഴില്‍ ലഭ്യതയും വളര്‍ത്തുന്നതും നേരിട്ടുള്ള വിദേശ നിക്ഷേപം ആകര്‍ഷിക്കുന്നതും ഒപ്പം അന്താരാഷ്ട്ര സൂചികകളില്‍ ഒമാെന്‍റ സ്ഥാനം ഉയര്‍ത്തുന്നതുമായിരിക്കുമെന്ന് മന്ത്രി പറഞ്ഞു.
