ഷാര്ജയില് ട്രാഫിക് നിയമലംഘനം പിടികൂടാന് റഡാര് സംവിധാനം ഏര്പ്പെടുത്തുന്നു. അതിനൂതന സാങ്കേതിക വിദ്യയില് പ്രവര്ത്തിക്കുന്ന റഡാറുകള് വഴി മറ്റു വാഹനങ്ങള് ഈ പാതയില് കയറിയ ഉടനെ വിവരം പൊലീസ് കേന്ദ്രത്തിലെത്തും. വൈകാതെ പിഴ ലഭിച്ച അറിയിപ്പ് ഡ്രൈവര്ക്ക് ലഭിക്കുകയും ചെയ്യും. പൊതുഗതാഗത പാതയില് കടക്കുന്നവര്ക്ക് 400 ദിര്ഹമാണ് പിഴ.
ഷാര്ജയില് ബസുകള്ക്കും ടാക്സികള്ക്കും മാത്രമായുള്ള പാതകള് അടുത്തിടെയാണ് വ്യാപിപ്പിച്ചത്. മുമ്ബ് ഇത്തരം പാതകളില് ചില ഇളവുകള് നല്കിയെങ്കിലും ബദല് സംവിധാനങ്ങള് ശക്തിപ്പെട്ടതോടെ ശക്തമായ മുന്നറിയിപ്പ് നല്കുകയും പിടികൂടാന് റഡാറും ഒരുക്കുകയായിരുന്നു.