അബുദാബി നഗരത്തിലെ പാതകളില്‍ മുതിര്‍ന്ന പൗരന്മാര്‍, വിരമിച്ച പൗരന്മാര്‍, താഴ്ന്ന വരുമാനമുള്ള കുടുംബങ്ങള്‍, നിശ്ചയദാര്‍ഢ്യ വിഭാഗക്കാര്‍ എന്നിവര്‍ക്ക് ടോള്‍ നിരക്കില്‍ ഇളവ് അനുവദിക്കും. ഇതിനായി ഇന്‍റഗ്രേറ്റഡ് ട്രാന്‍സ്‌പോര്‍ട്ട് സെന്‍ററിന്റെ ‘ഡാര്‍ബ്’ സിസ്റ്റത്തില്‍ രജിസ്റ്റര്‍ ചെയ്ത് അപേക്ഷിക്കണം. ഇതുവരെ 16,690 വാഹന ഉടമകളുടെ അപേക്ഷകള്‍ അംഗീകരിച്ച്‌ ടോള്‍ നിരക്കില്‍ ഇളവ് അനുവദിച്ചിട്ടുണ്ട്.
ട്രാഫിക് ടോള്‍ സിസ്റ്റത്തിന്റെ വെബ്സൈറ്റ് വഴിയോ ‘ഡാര്‍ബ്’ സ്മാര്‍ട്ട് ഫോണ്‍ ആപ്ലിക്കേഷന്‍ വഴിയോ അപേക്ഷ സമര്‍പ്പിക്കാം. ഒരു ഉപഭോക്താവിന് ഒരു വാഹനത്തില്‍ മാത്രമായി ഇളവ് പരിമിതപ്പെടുത്തിയിരിക്കുന്നു.ആദ്യ വാഹനത്തിന്റെ ഇളവ് റദ്ദാക്കിയിട്ടുണ്ടെങ്കില്‍ ഉടമ ആവശ്യപ്പെടുന്ന പ്രകാരം ഒരു വാഹനത്തില്‍ നിന്ന് മറ്റൊന്നിലേക്ക് ഇളവ് കൈമാറ്റം ചെയ്യാനാവും. അപേക്ഷിക്കുന്നതിന് ട്രാഫിക് ടോള്‍ സിസ്റ്റത്തില്‍ രജിസ്റ്റര്‍ ചെയ്ത അക്കൗ ണ്ട് വഴി അപേക്ഷകന്‍ ലോഗിന്‍ ചെയ്യണം. ഈ പേജില്‍ ആവശ്യമായ രേഖകള്‍ അപ്ലോഡ് ചെയ്യുകയും ഒഴിവാക്കലിനുള്ള കാരണം രേഖപ്പെടുത്തുകയും വേണം. അപേക്ഷ അംഗീകരിക്കുകയോ നിരസിക്കുകയോ ചെയ്താല്‍ ഇ-മെയില്‍ അല്ലെങ്കില്‍ എസ്.എം.എസ് അറിയിപ്പ് ലഭിക്കും.
