ജനറല്‍ ഡയറക്ടറേറ്റ് ഓഫ് റെസിഡന്‍സി ആന്‍ഡ് ഫോറിന്‍ അഫയേഴ്സിെന്റെ (ജി.ഡി.ആര്‍.എഫ്.എ) അനുമതിയുള്ള റെസിഡന്‍റ് വിസക്കാര്‍ക്ക് യു.എ.ഇയിലെ ഏത് വിമാനത്താവളങ്ങളിലേക്കും യാത്ര ചെയ്യാമെന്ന് അധികൃതര്‍ അറിയിച്ചു. നേരത്തേ ഇവര്‍ക്ക് ദുബൈ വിമാനത്താവളത്തിലേക്ക് മാത്രമേ യാത്ര അനുമതിയുണ്ടായിരുന്നുള്ളു.
പുതിയ നിര്‍ദേശം വന്നതോടെ ദുബായ് വിസക്കാര്‍ക്ക് മറ്റ് എമിറേറ്റുകളില്‍ വിമാനമിറങ്ങാന്‍ കഴിയും. കോവിഡ് നെഗറ്റിവ് സര്‍ട്ടിഫിക്കറ്റും നിര്‍ബന്ധമാണെന്ന് അധികൃതര്‍ അറിയിച്ചു. ദുബൈ മീഡിയ ഓഫിസ് സംഘടിപ്പിച്ച AskDXBOfficial എന്ന ഹാഷ്ടാഗിലൂടെ സംശയം ചോദിച്ചവര്‍ക്ക് ജി.ഡി.ആര്‍.എഫ്.എ ഡയറക്ടര്‍ ജനറല്‍ മുഹമ്മദ് അല്‍ മറിയാണ് ഇക്കാര്യം മറുപടിയായി അറിയിച്ചത്.
