യുഎഫ്സി ‘സേഫ് സോൺ’ ഒരു മാസത്തേക്ക് അടച്ചിരിക്കുന്നതിനാൽ യാസ് ഐലൻഡിലേക്കുള്ള റോഡുകൾ അടച്ചിടുന്നു എന്ന് അധികൃതർ അറിയിച്ചു. യാസ് ദ്വീപിലെ മെഗാ ഇവന്റിനായി അന്തിമ തയ്യാറെടുപ്പുകൾ നടക്കുന്നതിനാൽ യുഎഫ്സി ഫൈറ്റ് ഐലന്റിനായി സൃഷ്ടിച്ച 25 കിലോമീറ്റർ ‘സേഫ് സോണിലേക്ക്’ പോകുന്ന എല്ലാ റോഡുകളും അടച്ചതായാണ് ഗതാഗത വകുപ്പിന്റെ ഇന്റഗ്രേറ്റഡ് ട്രാൻസ്പോർട്ട് സെന്റർ അറിയിച്ചത്. റോഡ് അടയ്ക്കൽ യാസ് ഡ്രൈവിൽ ജൂലൈ 30 വരെ നടക്കും.
റോഡ് ഉപയോക്താക്കൾ ജാഗ്രതയോടെ വാഹനമോടിക്കാനും ട്രാഫിക് നിയമങ്ങളും ചട്ടങ്ങളും പാലിക്കണം എന്നും അഭ്യർത്ഥിക്കുന്നു. സേഫ് സോണിൽ’ യാസ് ലിങ്കുകൾ, യാസ് ബീച്ച്, ഡബ്ല്യു അബുദാബി, യാസ് പ്ലാസ ഹോട്ടലുകൾ എന്നിവ ഉൾപ്പെടുന്നു, ഇത് ഇപ്പോൾ യുഎഫ്സി ടീം അംഗങ്ങൾക്കും സൗകര്യങ്ങളുടെ പ്രവർത്തനത്തിന് ആവശ്യമായ പ്രാദേശിക സ്റ്റാഫുകൾക്കും മാത്രം തുറന്നിരിക്കും. എന്നിരുന്നാലും, യാസ് ടണൽ വഴിയും ഈസ്റ്റ് ഗേറ്റ് വഴി യാസ് മറീന സർക്യൂട്ട് വഴിയും പ്രവേശിക്കാൻ കഴിയുന്ന യാസ് മാൾ, യാസ് മറീന എന്നിവ പൊതുജനങ്ങൾക്കായി തുറന്നിരിക്കും.