പൊതുവിജ്ഞാനത്തില്‍ മികവ് പുലര്‍ത്തി ഇന്ത്യന്‍ ബുക്ക്‌ ഓഫ് റെക്കോര്‍ഡില്‍ ഇടം നേടി രണ്ടരവയസുകാരി. മാന്നാര്‍ തൃക്കുരട്ടി മഹാദേവ ക്ഷേത്രത്തിന് സമീപം ഷഫീഖ് മന്‍സിലില്‍ (നമ്ബര വടക്കേതില്‍) ഷഫീര്‍ സുലൈമാന്‍- ഹസീന ദമ്ബതികളുടെ ഏക മകളായ സൈന ഷഫീറാണ് റെക്കോര്‍ഡിനര്‍ഹയായത്.
ഇന്ത്യയെയും ഉപഗ്രഹങ്ങളെ കുറിച്ചുമുള്ള ചോദ്യങ്ങള്‍ക്ക് വേഗത്തില്‍ ഉത്തരം നല്‍കിയാണ് കൊച്ചുമിടുക്കി മികവ് കാട്ടിയത്. കേരളത്തിലെ പതിനാല് ജില്ലകളെക്കുറിച്ചുള്ള അറിവ്, ദേശിയ ഗാന ആലാപനം, കാര്‍ട്ടൂണ്‍ കഥപാത്രങ്ങളെ തിരിച്ചറിയാനുള്ള കഴിവ്, വിപരീത പദങ്ങള്‍, മഴവില്ല് നിറങ്ങള്‍, എന്നിവ ആയിരുന്നു യോഗ്യത റൗണ്ടിലുണ്ടായിരുന്നത്.
