സൗദിയില് വിനോദ പരിപാടികള്ക്ക് മുന്കരുതല് നടപടികള് പ്രഖ്യാപിച്ചു.കോവിഡ് തടയുന്നതിനായി പൊതുജനാരോഗ്യ അതോറിറ്റി അംഗീകരിച്ച നടപടിക്രമങ്ങള് അനുസരിച്ചായിരിക്കും വിനോദ പരിപാടികള് നടക്കുകയെന്നും പരിപാടികള് നടത്തുേമ്ബാള് മുന്കരുതല് നടപടികള് പ്രയോഗിക്കാന് പ്രത്യേക നിബന്ധനകള് സംഘാടകര്ക്ക് ഏര്പ്പെടുത്തുമെന്നും പ്രഖ്യാപനത്തില് അതോറിറ്റി പറഞ്ഞിരുന്നു.
പരിസ്ഥിതി-പ്രതിരോധം-സാമൂഹിക അകലം, റിപ്പോര്ട്ടിങ്-നിരീക്ഷണം, അവബോധം, നടപ്പാക്കല് എന്നീ നാലു പ്രധാന തലങ്ങളിലൂന്നിയ മുന്കരുതല് നടപടികളാണ് വിനോദ പരിപാടികള്ക്ക് ഏര്പ്പെടുത്തിയിരിക്കുന്നത്. 2021 മേയ് 18ന് പുറപ്പെടുവിച്ച ആഭ്യന്തര മന്ത്രാലയ തീരുമാനത്തിന് അനുസൃതമായി ‘തവക്കല്നാ’ ആപ്ലിക്കേഷനില് കോവിഡ് കുത്തിവെപ്പ് എടുത്തുവെന്ന് തെളിയിക്കുന്നവര്ക്കാണ് പരിപാടികളിലേക്ക് പ്രവേശനം നല്കുക. ഓപണ് സ്ഥലങ്ങളില് നടക്കുന്ന പരിപാടികള്ക്ക് 40 ശതമാനമാളുകളെ പാടുള്ളൂവെന്ന് നിര്ണയിച്ചിട്ടുണ്ട്.