കോവിഡിനെ അതിജീവിച്ച ഷാർജ എക്സ്പോ സെൻറർ വീണ്ടും സജീവമാകുന്നതിന്റെ സൂചന നൽകി ഒക്ടോബർ ഒന്ന് മുതൽ നാല് വരെ വ്യാപാര മേള ‘ബിഗ് ഷോപ്പർ സെയിൽ’നടക്കുന്നു. കോവിഡ് വ്യാപനം കുറഞ്ഞ് തുടങ്ങിയ ശേഷം എക്സ്പോ സെൻററിൽ നടക്കുന്ന രണ്ടാമത്തെ പരിപാടിയാണിത്.
ഏറ്റവും പുതിയ ട്രെൻറുകൾ, വസ്ത്രങ്ങൾ, സ്പോർട്സ് ഫുട്വെയേഴ്സ്, പെർഫ്യൂം, സൗന്ദര്യ വർധക വസ്തുക്കൾ, ആകസസറീസ്, വീട്ടുപകരണങ്ങൾ, ഇലക്ട്രോണിക്സ് തുടങ്ങിയവയെല്ലാം വിലക്കിഴിവോടെ വ്യാപാര മേളയിൽ അണിനിരക്കും. കഴിഞ്ഞ ദിവസം ഇലക്ട്രോണിക്സ് എക്സിബിഷൻ സുരക്ഷിതമായി നടത്തി വിജയിച്ചതിെൻറ ആത്മവിശ്വാസത്തിലാണ് വ്യാപാരമേളയും എക്സ്പോ വേദിയിലേക്ക് എത്തുന്നത്.