ഷാർജ: റമദാനിൽ തൊഴിലാളികളുടെ സന്തോഷം ഉറപ്പാക്കുന്നതിന് 20,000 ഇഫ്താർ ഭക്ഷണ കിറ്റുകൾ വിതരണം ചെയ്യുമെന്ന് ഷാർജ മുനിസിപ്പാലിറ്റി (എസ്.എം) പ്രഖ്യാപിച്ചു. ഇൻവെസ്റ്റ് ബാങ്കിന്റെ സഹകരണത്തോടെയാണ് കിറ്റുകൾ നൽകുന്നത്. ഇൻഡസ്ട്രിയൽ ഏരിയ 12ലെ തൊഴിലാളികൾക്ക് താമസ സ്ഥലത്ത് ഭക്ഷണം നൽകും. റമദാനിൽ മാനുഷിക പ്രവർത്തനത്തിന്റെ പ്രാധാന്യം പ്രോത്സാഹിപ്പിക്കുന്നതിനും ഭക്ഷണം നൽകാനാഗ്രഹിക്കുന്നവർക്ക് പ്രചോദനമെന്നോണവുമാണ് സംരംഭം.