അബുദാബി അന്താരാഷ്ട്ര പുസ്തകോല്സവം മെയ് 23 മുതല് 29 വരെ അബൂദബി നാഷണല് എക്സിബിഷന് സെന്ററില് നടക്കും. കിരീടാവകാശിയും യു.എ.ഇ സായുധസേന ഡെപ്യൂട്ടി സുപ്രീം കമാന്ഡറുമായ ശൈഖ് മുഹമ്മദ് ബിന് സായിദ് ആല് നഹ്യാന്റെ രക്ഷകര്തൃത്വത്തിലാണ് പുസ്തകോല്സവം.
സംഘാടകര്, എക്സിബിറ്റര്മാര്, സന്ദര്ശകര് എന്നിവരുടെ ആരോഗ്യ സുരക്ഷ ഉറപ്പുവരുത്തുന്നതിന് മുന്കരുതല് നടപടികളോടെയാണ് പുസ്തകോല്സവമൊരുക്കുകയെന്ന് അബൂദബി സാംസ്കാരിക ടൂറിസം വകുപ്പിലെ അറബി ഭാഷാ കേന്ദ്രം ഭാരവാഹികള് വാര്ത്താ സമ്മേളനത്തില് അറിയിച്ചു. ജര്മ്മനിയാണ് ഈ വര്ഷത്തെ വിശിഷ്ടാതിഥി. ഫ്രാങ്ക്ഫര്ട്ട് അന്താരാഷ്ട്ര പുസ്തകമേളയുമായുമായുള്ള പങ്കാളിത്തവും അബൂദബി അറബി ഭാഷാ കേന്ദ്രം പ്രസിഡന്റ് ഡോ. അലി ബിന് തമീം പ്രഖ്യാപിച്ചു. അടുത്ത വര്ഷവും ജര്മ്മനിയുടെ പങ്കാളിത്തം ഉണ്ടാകും.