ഈദ് അൽ അദ്ഹായുടെ സമയത്ത് സാമൂഹിക അകലം പാലിക്കുന്നത് ദേശീയ കടമയാണെന്ന് യുഎഇ ആരോഗ്യ-പ്രതിരോധ മന്ത്രി ഡോ. അബ്ദുൾ റഹ്മാൻ ബിൻ മുഹമ്മദ് ബിൻ നാസർ അൽ ഒവൈസ് തിങ്കളാഴ്ച അറിയിച്ചു. കൊറോണ വൈറസ് പ്രതിസന്ധിഘട്ടത്തിൽ പ്രതിരോധത്തിന്റെ ആദ്യ നിരയിലെ നായകന്മാർ സ്വീകരിച്ച സുപ്രധാന പങ്കിനെയും മഹത്തായ ത്യാഗത്തെയും അദ്ദേഹം പ്രശംസിച്ചു. സമൂഹത്തെ സംരക്ഷിക്കുകയും എല്ലാവരുടെയും ആരോഗ്യം സംരക്ഷിക്കുകയും ചെയ്യുന്ന മെഡിക്കൽ മേഖലയുടെയും മറ്റ് ടീമുകളുടെയും ശ്രമങ്ങൾ രാജ്യത്തുടനീളം രോഗമുക്തി നിരക്കിന് നിരന്തരം സംഭാവന നൽകുന്നുണ്ടെന്ന് അദ്ദേഹം പറഞ്ഞു.
നിരവധി വ്യക്തികൾ പലപ്പോഴും ഈ അവസരങ്ങളിൽ അവരുടെ കുടുംബങ്ങളിൽ നിന്ന് അകന്നു കഴിയുന്നു, അത് വലിയ നന്ദിയും അഭിനന്ദനവും അർഹിക്കുന്ന ത്യാഗമാണ് എന്നും അദ്ദേഹം കൂട്ടി ച്ചേർത്തു. അവധിക്കാലത്ത് പ്രതിരോധ നടപടികൾ പാലിക്കേണ്ടതിന്റെ ആവശ്യകതയെക്കുറിച്ച് അൽ ഒവൈസ് ഊന്നിപ്പറഞ്ഞു, അത്തരം അവസരങ്ങളിൽ കർശനമായ സാമൂഹിക അകലം പാലിക്കൽ കൂടുതൽ പ്രാധാന്യമുള്ളതാണെന്നും ഇത് എല്ലാ സമൂഹത്തിന്റെയും ദേശീയ കടമയാണെന്നും പ്രത്യേകം എടുത്തു പറഞ്ഞു.
