പെരുന്നാള് ദിനം മുതല് മൂന്നു രാത്രികളില് യാസ് ദ്വീപില് കരിമരുന്നു പ്രദര്ശനങ്ങള് നടക്കും. യാസ് ബേ വാട്ടര്ഫ്രണ്ടില് കരിമരുന്നു പ്രദര്ശനം ആദ്യമാണ് സംഘടിപ്പിക്കുന്നത്. അഞ്ച് മിനിറ്റ് ദൈര്ഘ്യമുള്ള പരിപാടികള് രാത്രി ഒമ്ബതിന് ആരംഭിക്കും. യാസ് ഐലന്ഡ് ഇന്സ്റ്റഗ്രാം ചാനലില് തത്സമയ സംപ്രേക്ഷണം ഉണ്ടായിരിക്കും.
ദ്വീപില് കോവിഡ് -19 മുന്കരുതല് നടപടികളുടെ ഭാഗമായി ഒത്തുചേരലുകള് നിരോധിച്ചിരിക്കുെന്നന്നും അധികൃതര് അറിയിച്ചു. അബൂദബി സാംസ്കാരിക ടൂറിസം വകുപ്പിെന്റ സഹകരണത്തോടെയാണ് കരിമരുന്നു പ്രയോഗം നടക്കുക. മേയ് 11 മുതല് (റമദാന് 29) 14 വരെ പെരുന്നാള് അവധി ദിനമായിരിക്കും. റമദാന് 30 തികച്ചാല് മേയ് 11 മുതല് 15 വരെ അഞ്ചു ദിവസത്തെ അവധി ലഭിക്കും.