ഉമ്മുല്ഖുവൈന് സുപ്രീം കൗണ്സില് അംഗവും ഭരണാധികാരിയുമായ ശൈഖ് സഊദ് ബിന് റാഷിദ് അല് മുഅല്ല കോവിഡ് വാക്സിന് ആദ്യ ഡോസ് സ്വീകരിച്ചു. കോവിഡിനെതിരെ രാജ്യം തുടരുന്ന പോരാട്ടത്തിെന്റ രണ്ടാംഘട്ടമെന്നോണം ആരംഭിച്ച കോവിഡ് വാക്സിന് ഡ്രൈവിലാണ് ശൈഖ് സൗദ് ബിന് റാഷിദ് അല് മുഅല്ല ഫൈസര് വാക്സിന് സ്വീകരിച്ചത്. കഴിഞ്ഞവര്ഷം നവംബറില് യു.എ.ഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിന് റാഷിദ് ആല് മക്തൂം വാക്സിന് സ്വീകരിച്ചിരുന്നു. ഡെപ്യൂട്ടി പ്രധാനമന്ത്രിയും ആഭ്യന്തരമന്ത്രിയുമായ ലഫ്റ്റനന്റ് ജനറല് ശൈഖ് സെയ്ഫ് ബിന് സായിദ് അല് നഹ്യാന്, വിദേശ-അന്താരാഷ്ട്ര സഹകരണ മന്ത്രി ശൈഖ് അബ്ദുല്ല ബിന് സായിദ് അല് നഹ്യാന് എന്നിവരും കഴിഞ്ഞവര്ഷം വാക്സിന് സ്വീകരിച്ചിരുന്നു.
കോവിഡില്നിന്നും സംരക്ഷണമൊരുക്കാന് ഇൗവര്ഷം ആദ്യപാദത്തില്തന്നെ രാജ്യത്തെ ജനസംഖ്യയുടെ 50 ശതമാനത്തിലധികം പേര്ക്കും കുത്തിവെപ്പ് നല്കാനുള്ള പദ്ധതിക്ക് അനുസൃതമായി ആരോഗ്യ-രോഗപ്രതിരോധ മന്ത്രാലയം രാജ്യത്തുടനീളം വ്യാപകമായ രീതിയിലാണ് വാക്സിന് ഡ്രൈവ് സംഘടിപ്പിക്കുന്നത്.
വാക്സിന് പ്രചാരണ പ്രവര്ത്തനങ്ങളുടെ ഭാഗമായി പ്രായമായവര്, വിട്ടുമാറാത്ത രോഗങ്ങളാല് വലയുന്നവര് എന്നിവര്ക്ക് കോവിഡ് പ്രതിരോധ കുത്തിവെപ്പ് നടത്താന് ആളുകളെ പ്രോത്സാഹിപ്പിക്കുന്നതിനായി ആരോഗ്യ-രോഗപ്രതിരോധ മന്ത്രാലയം ഒരു ദേശീയ കാമ്ബയിന് ആരംഭിക്കുമെന്ന് പ്രഖ്യാപിച്ചു. മഹാമാരിക്കെതിരായ പ്രതിരോധത്തിെന്റ തോത് വര്ധിപ്പിക്കുന്നതിനും പൊതുജനാരോഗ്യവും സുരക്ഷയും ഉറപ്പുവരുത്തുന്നതിനുമായി കഴിഞ്ഞ വര്ഷം അവസാനത്തോടെയാണ് രാജ്യം ഫൈസര് വാക്സിന് അംഗീകാരം നല്കിയത്.