ഒമാനിൽ 193 പേർക്ക് കൂടി കോവിഡ്19 സ്ഥിരീകരിച്ചു. ഇതോടെ രാജ്യത്തെ മൊത്തം രോഗബാധിതർ 5379 ആയി. പുതിയ രോഗികളിൽ 121 പേർ പ്രവാസികളും 72 പേർ ഒമാനികളുമാണ്. അസുഖം സുഖപ്പെട്ടവരുടെ എണ്ണം 1465ൽ നിന്ന് 1496 ആയി ഉയർന്നു.
രണ്ട് മലയാളികളടക്കം 23 പേരാണ് കോവിഡ് ബാധിച്ച് ഇതുവരെ മരണപ്പെട്ടത്. 3860 പേരാണ് നിലവിൽ അസുഖ ബാധിതരായിട്ടുള്ളത്. പുതിയ രോഗികളിൽ 153 പേരും മസ്കത്ത് ഗവർണറേറ്റിൽ നിന്നുള്ളവരാണ്. ഇതോടെ ഇവിടെ മൊത്തം കോവിഡ് ബാധിതർ 4082 ആയി.
