സൗദി അറേബ്യയിൽ കോവിഡ് ബാധിച്ച് 37 പേർ കൂടി മരിച്ചു. രാജ്യത്ത് ഇതുവരെ കോവിഡ് ബാധയിൽ മരിച്ചവരുടെ എണ്ണം 783 ആയി. 24 മണിക്കൂറിനുള്ളിൽ 3288 പേർക്ക് പുതുതായി രോഗം സ്ഥിരീകരിച്ചു. പുതുതായി രോഗവിമുക്തി നേടിയത് 1815 പേരാണ്. ആകെ രോഗമുക്തരുടെ എണ്ണം 76339 ആയി.
ചികിത്സയിൽ കഴിയുന്നവരുടെ എണ്ണം 31449 ആയി ഉയർന്നു. ഇതിൽ 1686 പേർ ഗുരുതരാവസ്ഥയിൽ തീവ്രപരിചരണ വിഭാഗത്തിലാണ്. ബാക്കിയുള്ളവരുടെ ആരോഗ്യനില തൃപ്തികരമാണ്. റിയാദിൽ ആശങ്കാജനകമായ രീതിയിൽ രോഗികളുടെ എണ്ണം ഉയരുന്നു. ചൊവാഴ്ച ഇവിടെ പുതിയ രോഗികളുടെ എണ്ണം ആയിരം കടന്നു.