രാജ്യത്ത് 41,831 പേര്‍ക്ക് കൂടി കോവിഡ് പോസിറ്റിവ് സ്ഥിരീകരിച്ചതായി കേന്ദ്ര ആരോഗ്യ മന്ത്രാലയം. കഴിഞ്ഞ ദിവസം 541 പേര്‍ കോവിഡ് ബാധിതരായി മരിച്ചു . തുടര്‍ച്ചയായി അഞ്ചാം ദിവസമാണ് കോവിഡ് രോഗികളുടെ എണ്ണം 40,000 ന് മുകളില്‍ റിപ്പോര്‍ട്ട് ചെയ്യുന്നത്. 4.1 ലക്ഷം കോവിഡ് രോഗികളാണ് നിലവില്‍ രാജ്യത്തുള്ളത്. 39,258 പേരാണ് 24 മണിക്കൂറിനുള്ളില്‍ വിവിധ സംസ്ഥാനങ്ങളില്‍ നിന്ന് സുഖം പ്രാപിച്ചത്.
കഴിഞ്ഞ ദിവസം 20,624 പേര്‍ക്ക് രോഗം സ്ഥിരീകരിച്ച കേരളമാണ് പ്രതിദിന കേസുകളില്‍ ഏറ്റവും മുന്നില്‍. മഹാരാഷ്ട്രയില്‍ 6960 പേര്‍ക്കും ആന്ധ്രാ പ്രദേശില്‍ 2006 പേര്‍ക്കും കോവിഡ് പോസിറ്റീവ് സ്ഥിരീകരിച്ചു. കോവിഡ് ബാധിച്ച്‌ മരിച്ച 541 പേരില്‍ 231 പേര്‍ മഹാരാഷ്ട്രയില്‍ നിന്നും 80 പേര്‍ കേരളത്തില്‍ നിന്നും 68 പേര്‍ ഒഡീഷയില്‍ നിന്നുമുള്ളവരാണ്. അതെ സമയം രാജ്യത്തുട നീളമുള്ള വാക്സിനേഷന്‍ 47 കോടി ഡോസ് പിന്നിട്ടു
