രാജ്യത്ത് കഴിഞ്ഞ 24 മണിക്കൂറിനിടെ 45,951 പേര്ക്ക് കൂടി കോവിഡ് രോഗബാധ സ്ഥിരീകരിച്ചു. കഴിഞ്ഞ 24 മണിക്കൂറിനിടെ 817 പേര് കോവിഡ് ബാധിച്ച് മരിച്ചതായും കേന്ദ്ര ആരോഗ്യ മന്ത്രാലയം വ്യക്തമാക്കുന്നു .ഏപ്രില് 11ന് ശേഷം റിപ്പോര്ട്ട് ചെയ്യുന്ന ഏറ്റവും കുറഞ്ഞ പ്രതിദിന മരണ നിരക്കാണിത്.
ഇന്ത്യയില് ഇതുവരെ 3,03,62,848 പേര്ക്കാണ് രോഗബാധ സ്ഥിരീകരിച്ചത്. ഇതില് 2,94,27,330 പേര് ഇതിനോടകം സുഖം പ്രാപിച്ചു . കഴിഞ്ഞ 24 മണിക്കൂറിനിടെ മാത്രം 60,729 പേര് രോഗമുക്തരായി. 96.92 ശതമാനമാണ് രാജ്യത്തെ രോഗമുക്തി നിരക്ക്.
രാജ്യത്ത് നിലവില് വിവിധ സംസ്ഥാനങ്ങളിലായി ചികിത്സയില് തുടരുന്നത് 5,37,064 രോഗികളാണ് . 3,98,454 പേരുടെ ജീവനാണ് ഇതുവരെ കോവിഡില് നഷ്ടമായത് . എന്നാല് രാജ്യത്തുടനീളം 33,28,54,527 പേര് ഇതുവരെ കോവിഡ് പ്രതിരോധ വാക്സിന് സ്വീകരിച്ചു.
കഴിഞ്ഞ 24 മണിക്കൂറിനിടെ കേരളത്തിലാണ് ഏറ്റവും കൂടുതല് പേര്ക്ക് രോഗം സ്ഥിരീകരിച്ചത്. മഹാരാഷ്ട്ര, തമിഴ്നാട്, ആന്ധ്രാപ്രദേശ്, കര്ണാടക എന്നീ സംസ്ഥാനങ്ങളാണ് തൊട്ടുപിന്നിലുള്ളത്. രാജ്യത്ത് പുതുതായി റിപ്പോര്ട്ട് ചെയ്യുന്ന കോവിഡ് കേസുകളില് 71.79 ശതമാനവും ഈ അഞ്ച് സംസ്ഥാനങ്ങളില് നിന്നാണ്. അതെ സമയം കഴിഞ്ഞ ദിവസം 37,566 പുതിയ കോവിഡ് കേസുകളാണ് റിപ്പോര്ട്ട് ചെയ്തത് .907 പേര്ക്കാണ് കഴിഞ്ഞ ദിവസം മഹാമാരി മൂലം ജീവന് നഷ്ടപ്പെട്ടത്.