കുവൈത്തിൽ 505 പേർക്ക് കൂടി കോവിഡ് സ്ഥിരീകരിച്ചു. ഇതുവരെ 39,650 പേർക്കാണ് വൈറസ് ബാധിച്ചത്. ഞായറാഴ്ച 514 പേർ ഉൾപ്പെടെ 31,240 പേർ രോഗമുക്തി നേടി. ഏഴുപേർകൂടി മരിച്ചതോടെ രാജ്യത്തെ കോവിഡ് മരണം 326 ആയി. ബാക്കി 8084 പേരാണ് ചികിത്സയിലുള്ളത്. ഫർവാനിയ ഗവർണറേറ്റിൽ 142 പേർ, അഹ്മദി ഗവർണറേറ്റിൽ 132 പേർ, ജഹ്റ ഗവർണറേറ്റിൽ 131 പേർ, ഹവല്ലി ഗവർണറേറ്റിൽ 54 പേർ, കാപിറ്റൽ ഗവർണറേറ്റിൽ 46 പേർ എന്നിങ്ങനെയാണ് പുതിയ കേസുകൾ.
റെസിഡൻഷ്യൽ ഏരിയ അടിസ്ഥാനമാക്കിയാൽ ഫർവാനിയ 57, നസീം 28, തൈമ 19, അബ്ദലി 22, ജലീബ് അൽ ശുയൂഖ് 18, ഫിർദൗസ് 18, സഅദ് അൽ അബ്ദുല്ല 16 എന്നിങ്ങനെയാണ് കൂടുതൽ കേസുകൾ റിപ്പോർട്ട് ചെയ്തത്. 231 കുവൈത്തികൾക്കും 274 വിദേശികൾക്കുമാണ് പുതുതായി കോവിഡ് സ്ഥിരീകരിച്ചത്.