ബഹ്റൈനിൽ പുതുതായി 72 പേർക്ക് കൂടി രോഗം സ്ഥിരീകരിച്ചു. ഇവരിൽ 47 പേർ വിദേശ തൊഴിലാളികളാണ്. 25 പേർക്ക് സമ്പർക്കത്തിലൂടെയാണ് രോഗം പകർന്നത്. നിലവിൽ 3890 പേരാണ് ചികിത്സയിൽ കഴിയുന്നത്. ഇവരിൽ മൂന്ന് പേർ ഒഴികെ മറ്റുള്ളവരുടെ ആരോഗ്യ നില തൃപ്തികരമാണ്.
കോവിഡ് ബാധിച്ച് ചികിത്സയിൽ കഴിഞ്ഞ 113 പേർ കൂടി സുഖം പ്രാപിച്ചതായി ആരോഗ്യ മന്ത്രാലയം അറിയിച്ചു. ഇതോടെ രാജ്യത്ത് സുഖം പ്രാപിച്ചവരുടെ എണ്ണം 2753 ആയി ഉയർന്നു. കഴിഞ്ഞ ദിവസം രണ്ടുപേർ കൂടി മരിച്ചതോടെ മരണം സംഖ്യ 12 ആയി. 53 വയസുള്ള പ്രവാസിയും 67 വയസുള്ള ബഹ്റൈൻ സ്വദേശിയുമാണ് മരിച്ചത്.
