വെള്ളിയാഴ്ച ഒമാനിൽ 770 പേർക്ക് കൂടി കോവിഡ് 19 സ്ഥിരീകരിച്ചു. ഇതിൽ 427 പേരും പ്രവാസികളാണ്. ഇതോടെ രാജ്യത്തെ മൊത്തം കോവിഡ് രോഗ ബാധിതരുടെ എണ്ണം 15086 ആയി. മരണപ്പെട്ടവരുടെ എണ്ണം 72 ആയി. രോഗം ഭേദമായവരുടെ എണ്ണം 3451ൽ തുടരുകയാണ്. 11563 പേരാണ് നിലവിൽ അസുഖബാധിതരായിട്ടുള്ളത്.
പുതിയ രോഗികളിൽ 554 പേരും മസ്കത്ത് ഗവർണറേറ്റിൽ നിന്നുള്ളവരാണ്. ഇതോടെ മസ്കത്ത് ഗവർണറേറ്റിലെ കോവിഡ് ബാധിതരുടെ എണ്ണം 11438 ആയി. 1958 പേർക്കാണ് ഇവിടെ അസുഖം ഭേദമായത്. വെള്ളിയാഴ്ച 2463 പേർക്കാണ് രോഗ പരിശോധന നടത്തിയത്.