തിങ്കളാഴ്ച ഒമാനിൽ കോവിഡ് 19 സ്ഥിരീകരിച്ചത് 786 പേർക്ക്. ഇതിൽ 488 പേർ പ്രവാസികളാണ്. ഇതോടെ രാജ്യത്തെ മൊത്തം രോഗബാധിതരുടെ എണ്ണം 12223 ആയി. രോഗമുക്തി നേടിയവരുടെ എണ്ണം 2682 ആയി ഉയരുകയും ചെയ്തു.
അമ്പത് പേരാണ് ഇതുവരെ മരണപ്പെട്ടത്. 9491 പേരാണ് നിലവിൽ അസുഖ ബാധിതരായിട്ടുള്ളത്. പുതിയ രോഗികളിൽ 608 പേരും മസ്കത്ത് ഗവർണറേറ്റിൽ നിന്നുള്ളവരാണ്. ഇതോടെ മസ്കത്ത് ഗവർണറേറ്റിലെ കോവിഡ് ബാധിതരുടെ എണ്ണം 9256 ആയി. ഇവിടെ 1400 പേർക്ക് അസുഖം സുഖപ്പെട്ടു.
