ഒമാനിൽ 910 പേർക്ക് കൂടി കോവിഡ് സ്ഥിരീകരിച്ചു. ഇതോടെ രാജ്യത്തെ മൊത്തം കോവിഡ് രോഗ ബാധിതർ 39060 ആയി. 3191 പേർക്കാണ് രോഗപരിശോധന നടത്തിയത്. പുതിയ രോഗികളിൽ 375 പേർ പ്രവാസികളും 535 പേർ സ്വദേശികളുമാണ്. 1222 പേർക്ക് കൂടി രോഗം ഭേദമായിട്ടുണ്ട്. ഇതോടെ രോഗമുക്തരായവരുടെ എണ്ണം 22422 ആയി. ആറു പേർ കൂടി മരണപ്പെട്ടതോടെ മരണസംഖ്യ 169 ആയി ഉയരുകയും ചെയ്തു. 16469 പേരാണ് നിലവിൽ അസുഖബാധിതരായിട്ടുള്ളത്.
53 പേരെ കൂടി പ്രവേശിപ്പിച്ചതോടെ ആശുപത്രിയിൽ ചികിത്സയിലുള്ളവരുടെ എണ്ണം 423 ആയി. ഇതിൽ 115 പേർ തീവ്ര പരിചരണ വിഭാഗത്തിലാണുള്ളത്. പുതിയ രോഗികളിൽ 430 പേരാണ് മസ്കത്ത് ഗവർണറേറ്റിൽ നിന്നുള്ളത്. ഇതോടെ മസ്കത്ത് ഗവർണറേറ്റിലെ ആകെ രോഗികളുടെ എണ്ണം 26335 ആയി. ഇതിൽ 15906 പേർക്ക് ഇവിടെ അസുഖം ഭേദമായിട്ടുണ്ട്.
മരണപ്പെട്ടതിൽ 115 പേരും മസ്കത്തിൽ ചികിത്സയിലിരുന്നവരാണ്. സീബിലാണ് ഇന്ന് കൂടുതൽ രോഗികൾ. 203 പുതിയ കേസുകളാണ് ഇവിടെ റിപ്പോർട്ട് ചെയ്യപ്പെട്ടത്. ബോഷറിൽ 99ഉം മത്രയിൽ 61 ഉം പുതിയ കേസുകൾ റിപ്പോർട്ട് ചെയ്യപ്പെട്ടു.