ഒമാനിൽ ചൊവ്വാഴ്ച 348 പേർക്ക് കോവിഡ് 19 സ്ഥിരീകരിച്ചു. ഇതിൽ 177 പേരും വിദേശികളാണ്. ഇതോടെ രാജ്യത്തെ മൊത്തം രോഗബാധിതർ 8118 ആയി.
അസുഖം സുഖപ്പെട്ടവരുടെ എണ്ണം 2067 ആയി ഉയർന്നിട്ടുണ്ട്. രണ്ട് മലയാളികളടക്കം 37 പേർ ഇതുവരെ മരണപ്പെട്ടു. 6014 പേരാണ് നിലവിൽ അസുഖ ബാധിതരായിട്ടുള്ളത്. പുതിയ രോഗികളിൽ 262 പേരും മസ്കത്ത് ഗവർണറേറ്റിൽ നിന്നുള്ളവരാണ്. ഇതോടെ മസ്കത്ത് ഗവർണറേറ്റിൽ കോവിഡ് സ്ഥിരീകരിച്ചവർ 6171 ആയി.
